مشكلتي شفايفي

السلام عليكم
شلونكم بنات ؟؟؟
عندي مشكلة وان شاء الله الاقي الحل عندكم لأني حييييل استفدت منكم;)
مشكلتي ان شفايفي لونها اسود وما يثبت عليها الروج"الحمرة" وكل مرطب استخدمته وما نفع

شنووووووووووو الحل؟؟؟؟؟؟

وعليكم السلام

هلا اختي ...

الطريقه اللي اعرفها تحطين قبل الحمره كريم اساس شويه بس على شفايفج بعدين حطي حمرتج وتثبت ان شاءلله

او حطي البورد مو شرط كريم سائل

_______________________________________

احط كرييم اساس واحط البودرة بس المشكلة الحمر الفاتحة ما تضبط معاي لان يبين السواد ما يبين لون الحمرة؟؟؟؟
مشكورة عالرد

حطي كريم اساس من النوع الفااااااااااااااتح اخذي افتح درجه و اخذي حمره من النوع الثابت الي ما تروح..

_______________________________________

[IMG][/IMG]

حطي فونديشن الشفايف في فونديشن للشفايف يثبت الحمره

واستخدمي ماركات قويه والوان قويه

مثل ماقالو البنات في كونسيلر أو كريم أساس خاص للشفايف وشكلة مثل الحمرة

_______________________________________

انا انصح انه عشان السواد يروح
1 : استعملي الحمر الغامجه على اساس ما يبين السواد
2 : انصح باستخدام الفازليييييين بعد حق الشفتين لانه يطري ويرطب الشفاة و اعتقد بعد راح يروح السواد ( الفازلين مال الطبيب روحي عند الطبيب و اهوه يعطيج قوليله ابي فازلين مو مال الجمعيه )
انا شفايفي هم جذي بس مو سواد فيهم لا انا تشققات قمت احط فازلين كل يوم قبل لا انام قام يخف و يترطب يعني انشاءالله في نتايج تسرج

_______________________________________

يجب أن تكون شفتاك جافتين تماما قبل وضعه عليهما .

- عند استعمالك ( الكريم الأساس ) ضعي منه القليل على شفتيك ثم ضعي قليل من البودرة عليهما قبل وضع أحمر الشفاه .

- بعد وضع الطبقة الأولى من أحمر الشفاه ضعي البودرة من جديد ثم ضعي الطبقة الأخيرة .

- ولتثبيت لونه قومي بتقبيل مكعب ثلج .

_______________________________________

اشكركم خواتي عالردود كل وحدة باسمها

بس ما قلتولي في علاج لسواد الشفايف؟؟؟
حتى الفازلين ما نفع معي!!!
ما في مرطب معين او علاج معين يشيل السواد؟؟؟